සභාපති ස්වාමින් වහන්සේගේ පණිවිඩය
සහනෝදා පදනමේ නිර්මාතෘ දානපති බන්දුල වීරවර්ධන මැතිතුමා ශ්රී ලංකාවේ කළුතර ප්රදේශයේ දානපති පවුලක උත්පත්තිය ලැබූවෙකි.වයස අවු 17 දී වැඩිදුර අධ්යාපනය සදහා එංගලන්තයට ගිය එතුමා එහිදී ඉතා සාර්ථක ලෙස උසස් අධ්යාපන කටයුතු අවසන් කර එංගලන්තයේ අන්තර්ජාතික ඛනිජ තෙල් ව්යාපාරය සම්බන්ධව අධ්යනය කිරීමට පෙලඹුනි.ඉතා කෙටි කාලයකදී එම අධ්යයන ක්ෂේත්රයේ විශිෂ්ටත්වයට පත් වීමට එතුමාට හැකි විය.ඉන් අනතුරුව ජාත්යන්තර නාවික ව්යාපාරයට සම්බන්ධ වූ එතුමා එංගලන්තයේ නැව් සමාගමක හිමිකාරිත්වයත් සමඟම ශ්රී ලංකාවේ පළමුවෙනි නැව් සමාගම් හිමිකරු බවට පත් විය.එතුමාගේ ව්යාපාරයන් එංගලන්තයේ පැවතියද එතුමා තම මව්බිම වූ ශ්රී ලංකාව පිළිබඳව සොයා බැලීමට අමතක නොකලේය.බෞද්ධ පවුල් පරිසරයකට අයත් වූ එතුමා ශ්රී ලංකාවේ දිළිදු අසරණ සහ උදව් අවශ්ය වූවන් ගැන සොයා බලා හැකි පමණින් උදව් උපකාර කිරීමට නිතරම ඉදිරිපත් විය.මෙහි ප්රතිඵලයක් වශයෙන් උදව් උපකාර අවශ්ය අධ්යාපනය ලබන දරුවන් වෙනුවෙන් ඔවුන්ගේ අධ්යාපන කටයුතු අවසානය දක්වාම උදව් ලබා දීම තුළින් එම දරුවන් සමාජයේ උගතුන් බුද්ධිමතුන් බවට පත් කර ඇත. ලංකාවේ ඇතිවූ විවිධ ව්යවසන අවස්ථාවන්හිදී එනම් සුනාමි,ගංවතුර නියං හා නාය යෑම ආදි ව්යවසන අවස්ථාවන්හිදී විදේශගතව සිටියත් ඒ පිළිබදව විමසා බලා උදව් කිරීමට එතුමා ඉදිරිපත් විය.පීඩාවට පත් ජනතාව වෙත වෛද්ය උපකරණ ලබා දීම වැනි උතුම් කාර්යයන් එතුමා අතින් සිදු කරන ලදි.බන්දුල වීරවර්ධන මැතිතුමාගේ සමාජ මෙහෙවර අතර තවද එතුමා සතු මුදල් වලින් චීනයේ උනෑන්ග් ප්රදේශයේ අංග සම්පූර්ණ පාසලක් ගොඩ නංවා පරිත්යාග කොට ඇත.
මානව හිතවාදි මේ උතුම් මිනිසා මට මුණ ගැසුනේ එතුමාගේ ඥාතින් සමඟ සමාජ සුභසාධන කටයුත්තකට සහභාගි වී සිටි අවස්ථාවකදීය.අඩු ආදායම් ලාභී අසරණ මිනිසුන් තම ජීවිතය තුළදි මුහුණ දෙනු ලබන දුක් කම්කටොලු පිළිබදව එතුමා බෙහෙවින් සංවේගයට පත්ව සිටි අවස්ථා බොහෝය.එමෙන්ම වර්ථමානය වන විට තරුණ පරපුර වෙතින් ඈත් වී යන සංස්කෘතික වටිනාකම් පිළිබදවද ඒවා රැක ගන්නේ කෙසේද යන්න පිළිබදව ද එතුමා තුළ දැඩි උනන්දුවක් තිබුණි.මේ යනාදී වූ ආර්ථික සාමාජීය සංස්කෘතික ප්රශ්න වලට පිළිතුරු සෙවීමේ අරමුණ පෙරදැරි කොට ගනිමින් සහනෝදා පදනම ආරම්භ කිරීම සදහා එතුමා පුරෝගාමි විය.
එම අරමුණ සහිතව ගොඩනැගුණු සහනෝදා පදනම විසින් වසර 15ක් මුළුල්ලේ ශ්රී ලංකාවේ සතර දිග්භාගයේ වාසය කරන පීඩාවට පත් පුද්ගලයන් වෙත ඉතා මහගු සේවාවන් රැසක් සිදු කරනු ලැබූ අතර අද වන විටද අඛණ්ඩව එම සේවාවන් සිදු කෙරෙමින් පවති.
මෙම උතුම් සත්ක්රියාවන් ඉදිරියටත් සිදු කරලීම සදහා අප සමග එක්වන ලෙසට ඔබ සැමට කාරුණිකව ආරාධනා කරමි.
පූජ්ය හපුතලේ පඤ්ඤාරාම ස්වාමින් වහන්සේ
ගරු සභාපති
සහනෝදා පදනම