21 වැනි සියවසට පා තබන ශ්‍රී ලංකාවේ ස්වකීය පවුල තුල අද වන විට තම වැඩිහිටියන් රැක බලා ගැනීම අර්බුදයක් බවට පත්ව ඇත.සාම්ප්‍රදායික පවුල් පද්ධතිය තුළ එදා වැඩිහිටියා සුරක්ෂිත පුද්ගලයෙකු වුවද විවිධ සමාජ විපර්යාසයන්ගේ ප්‍රතිඵලයක් වශයෙන් වැඩිහිටි පරම්පරාව නොසලකා හරින තත්වයේ ගැටළුවක් අද සමාජයේ නිර්මාණය වී ඇත.මේ අවාසනාවන්ත තත්වයට ඉවහල් වූ ඓතිහාසික සාධක මෙන්ම නූතන සමාජය විසින්ම නිර්මාණය කරන  ලද බොහෝ හේතුන්ද ඇත.ලොව වෙන කිසිම රටක දක්නට නැති ආකාරයට අප රටේ වැඩිහිටි ජන ගහනය ජන සංඛ්‍යාවේ විශාල ප්‍රතිශතයක් නියෝජනය කරන අතර ඒ තුළින් ඉතිහාසයේ කිසි දිනක දක්නට නැති සමාජ ප්‍රශ්නද අසන්නට පවතී. විශේෂයෙන්ම අඩු ආදායම් ලාභී පවුලක යැපෙන්නන් විශාල සංඛ්‍යාවක් නඩත්තු කිරීමේ  අභියෝගයට මුහුණ දෙන්නන් විසින් පළමුව ප්‍රතික්‍ෂේප කිරීම් හා නොසලකා හැරීම්වලට අළුතින්ම සංක්‍රමණය වන කණ්ඩායම වන්නේ වයස්ගත වැඩිහිටියන්ය.
මෙම අවාසනාවන්ත තත්වය නගරබද සංස්කෘතිය පුරා පැතිර ඇති අතර 85% ක් නියෝජනය කරන ග්‍රාමිය ජනතාවටද මෙය බැරෑරුම් ප්‍රශ්නයක් වී තිබේ.මේ සම්බන්ධව රටතුළ ක්‍රියාත්මක වන රාජ්‍ය හා රාජ්‍ය නොවන ක්‍රියාකාරි සංවිධාන වල සමස්ථ ශක්තියම අද ප්‍රමාණවත් නොවීමත් අවශ්‍යතාවයට සහ ඉල්ලුමට සරිලන පහසුකම් සැපයීමේ ගැටළුවටත් ඔවුහු මුහුණ පා සිටිති.මේ සියළු සමාජ ආර්ථික හා පාරිසරික සාධක සැලකිල්ලට ගනිමින් වැඩිහිටියන් සුරක්ෂිතව රැක බලා ගැනීමේ මධ්‍යස්ථානයක් ආරම්භ කොට  මෙම සමාජ ප්‍රශ්නයේ බර යම් තරමකට හෝ අවම කිරීමේ අභිලාශයෙන් මෙම වැඩිහිටි විවේකාශ්‍රමය ඉදි කිරීමට සැලසුම් කළෙමු.

වැඩිහිටි නිවාස සංකීර්ණය
මෙම ගොඩනැගිලි සංකීර්ණය නො.28 ඩී.එස්. කහවිට මාවත,අත්තිඩිය.දෙහිවල යන ස්ථානයේ පිහිටා ඇත.දිවංගත ඩී.එස් කහවිට මහතාට අයත්ව තිබූ මෙම ඉඩම අක්කර 2 1/2 කින් යුක්තය.එතුමාගේ අන්තිම කැමති පත්‍රයට අනුව ශ්‍රී ලංකාවේ මහා භාරකාරතුමා වෙත පවරා දී තිබූ මෙම ඉඩම අන්තිම කැමති පත්‍රප්‍රකාර අරමුණු ඉටු කිරීම සදහා වැඩිහිටි නිවාසයක් ආරම්භ කොට පවත්වා ගෙන යාමට මහා භාරකාර දෙපාර්තමේන්තුව මගින් මෙම භූමි භාගය සහනෝදා පදනමට නීත්‍යානුකූල ගිවිසුමක් මගින් ලබා දෙන ලදි. නේවාසික ගොඩනැගිල්ල නිර්මාණය කිරිමේදි පුද්ගලයන් දෙදෙනෙකුට එක් කාමරයක්ද එවැනි  කාමර 2ක් සදහා  එක් නාන කාමරයක්ද එවැනි කාමර 08ක් සදහා විවෘත පොදු ස්ථානයක්ද සලසා දී ඇත.මෙහිදී විවේක ගැනිම රූපවාහිනි නැරඹීම පුවත්පත් ආදිය කියවීමට පහසුකම් සලසා දී ඇත.එක් මහලක වැඩිහිටි පුද්ගලයන් 16 දෙනෙකු සදහා පහසුකම් සලසා දී ඇති අතර මහල් 2කින් යුත් ගොඩනැගිල්ලේ වැඩිහිටි පුද්ගලයන් 32නෙකුට ඉඩ පහසුකම් ලබා දී ඇත. මීට අමතරව කාර්යාල ගොඩනැගිල්ල,දානශාලා ගොඩනැගිල්ල,මුළුතැන්ගෙය සහ  සේවක නේවාසිකාගාර සදහා ද පහසුකම් සලසා දී ඇත.මෙම ගොඩනැගිලි සංකීර්ණ සහනෝදා පදනමේ නිර්මාතෘ දානපති බන්දුල වීරවර්ධන මැතිතුමාගේ පෞද්ගලික ධන පරිත්‍යාගයෙන් ඉදිකර අසරණ වැඩිහිටියන්ගේ පරිහරණය සදහා පරිත්‍යාග කර ඇත.

අරමුදල් සම්පාදනය කිරීම සදහා කෙරෙන ආරාධනයයි

සහන උදය වැඩිහිටි විවේකාශ්‍රමයේ නඩත්තු කටයුතු සදහා අරමුදලක් පිහිටුවීමේ අවශ්‍යතාව පැන නැඟි ඇත.ආහාරපාන සේවක වැටුප් සහ පරිපාලන වියදම් ලෙස මසකට රු.200000ක පමණ මුදලක් වැයවේ.මෙය දානපති පරිත්‍යාගශීලින්ගෙන් ලබාගැනීමට අපේක්ෂා කෙරේ.වැඩිහිටි විවේකාශ්‍රමයේ තිරසාර පැවැත්ම සදහා අරමුදලක් පිහිටුවා ඇත.ඔබගේ නොමසුරු පරිත්‍යාග මුදල් හා චෙක්පත් මඟින් සහන උදය වැඩිහිටි විවේකාශ්‍රම අරමුදල් ගිණුමේ තැන්පත් කළ හැක.

   වැඩිහිටි වැඩසටහන්      ->

වැඩිහිටි නිවාසය ගොඩ නැගීම